إعداد وتقديم مرفت عبد القادر
مطبخ الصوت
المقادير:
ربع كيلو لحمة مفرومة
تفل بصلاية كبيرة معصورة كويس جدا
بطاطساية مبشورة ومتصفية كويس جدا
فلفل اخضر او الوان المتاح
معلقة صغيرة بيكنج بودر
ملح وفلفل
بهارات لحمة
مرقة دجاج فورية
ربع كوب بقسماط مخلوط بربع كوب مية او نص رغيف عيش منقوع فى مية ومتصفي تماما
نص حزمة بقدونس
للتلميع:
مية البصلة اللي عصرناها في الاول
ملح وفلفل
معلقة صغيرة صلصة طماطم
معلقة كبيرة زيت
الطريقة:
اول حاجة تفرمي اللحمة مع البطاطس والتوابل وتفل البصلاية والماجي والبيكنج والبقسماط الي اتنقع في المية وكله يتفرم سوا بعد كده دخلي الكفتة نص ساعة الثلاجة وفى الوقت ده جهزي خليط التلميع بخلط كل مكوناته المكتوبة فوق وابتدي شكلي الكفتة على سيخ الشوي او مدورة براحتك وبلي ايدك بخليط التلميع ودخليها فرن سخن على 180 الي 200 لمدة 20 دقيقة واول ماتخرج اديها فحماية وغطيها خمس دقايق وكلي احلى كفتة
او تكوريها وتبططيها وعلى طاسة وشوحيها وبعد ما تطلع ولعى فحماية علشان تاخد ريحة الفحم وتقدم مع ارز او عيش
والطحينة.
والف هنا.
