إعداد وتقديم مرفت عبد القادر
مطبخ الصوت
المقادير :
ورق العنب
لتحضير ورق العنب:
• 500 جرام ورق عنب طازج أو معلب
لتحضير الحشوة:
• 2 كوب أرز مصري مغسول ومصفى
• 2 حزمة بقدونس مفروم
• 1 حزمة شبت مفروم
• 1 حزمة كزبرة خضراء مفرومة
• 2 بصلة كبيرة مفرومة ناعم
• 4 حبات طماطم متوسطة مفرومة
• ½ كوب زيت نباتي
• عصير ليمونة واحدة
• ملح وفلفل أسود حسب الذوق
• 1 ملعقة صغيرة بهارات مشكلة
• ½ ملعقة صغيرة قرفة.
طريقة التحضير:
تجهيز ورق العنب:
• لو الورق طازج، اسلقيه في ماء مغلي لمدة 3 دقائق فقط لحد ما يتغير لونه ويبقى طري، ثم صفيه في مصفاة.
• لو معلب، اغسليه بمياه دافية كويس عشان تتخلصي من الملح الزائد.
تحضير الحشوة:
• في طبق كبير، اخلطي الأرز مع البقدونس والشبت والكزبرة والطماطم والبصل……
• ضيفي الزيت، عصير الليمون، الملح، الفلفل، البهارات والقرفة، وقلبي كل المكونات كويس جدًا عشان الأرز يشرب الطعم.
لف ورق العنب:
• افردي كل ورقة على سطح نظيف بحيث يكون الوجه الخشن لفوق.
• خدي ملعقة صغيرة من الحشوة وحطيها في وسط الورقة، ثم اطوي الجانبين وابدأي في لفها بإحكام.
• كرري مع كل الكمية لحد ما تخلصي.
رص المحشي في الحلة:
• في قاع الحلة، حطي حلقات طماطم أو بطاطس أو ورق عنب ورشه نعناع إضافي عشان يمنع التصاقه.
• رصي ورق العنب الملفوف بشكل منظم وبطبقات متساوية.
• ضيفي على الوش شوية زيت وعصير ليمون.
• اسكبي ماء مغلي يكفي لتغطية المحشي، وغطيه بطبق مقلوب عشان ما يفكش أثناء التسوية.
التسوية:
• حطي الحلة على نار متوسطة لحد ما يغلي، وبعدها هدي النار جدًا وسيبيه يستوي على نار هادية لمدة 45 دقيقة أو لحد ما الأرز يستوي تمامًا.
• بعد التسوية، سيبيه يهدى شوية قبل التقديم عشان يتمسك وما يفرولش…..
تكات لنجاح ورق العنب:
لازم الأرز يكون منقوع ومتصفى كويس عشان ما يشربش مياه زيادة.
لف الورق يكون بإحكام بس مش جامد أوي عشان الأرز لما يستوي يتمدد من غير ما يفرقع.
تغطية الحلة بطبق أثناء التسوية مهمة جدًا عشان يحافظ على شكله.
تسوية المحشي على نار هادية تفرق جدًا في الطعم والقوام.
عصير الليمون مع الزيت في التسوية بيديله طعم غني ومميز
بالف هنا .
