إعداد وتقديم مرفت عبد القادر
مطبخ الصوت
المقادير:
باذنجان شرائح
فلفل رومي
فلفل حار
بطاطس حلقات
عصير طماطم
3 فصوص ثوم مفروم ناعم
معلقه كبيرة خل
ملح وفلفل اسود
لحمة مفرومة ومتعصجة.
الطريقة:
اول حاجة هندهن الباذنجان والبطاطس بالزيت وندخلهم الفرن او الاير فراير علشان ميشربوش زيت كتير.
في حلة علي النار هننزل ب 3 معالق زيت وعليهم الثوم المفروم ونقلب واول ما نشم ريحة الثوم هننزل بمعلقة الخل وبعدين عصير الطماطم ونضيف الملح والفلفل الأسود ونسبهم لحد ما يتسبكو بس مش اوي
في حلة علي النار او في طاسة هننزل بمعلقتين زيت وننزل بالفلفل الرومي ونقلب لحد ما الفلفل ياخد لون وبعدين ننزل بالباذنجان والبطاطس ولحمة مفرومة متعصجة( اختياري ) والصلصة ونقلب كله مع بعض ونسبهم ياخدو غلوة ونطفي.
وبألف هنا.
