إعداد وتقديم مرفت عبد القادر
مطبخ الصوت
المقادير:
نصف كيلو دقيق
علبه زبادي بلدي
معلقة كبيرة خميرة
معلقه كبيره سكر +رشه ملح.
الطريقة:
بحط الملح والسكر والخميرة على الدقيق وبقلبهم في بعض وبعدين حطيت عليهم الزبادي والمياه بالتدريج مش بياخد مايه كتير
عجنتها كتير جدا جدا لحد ما بقت عجينة ناعمة معايا وبعد كده سبتها تخمر .
بعد ما خمرت ابتديت افردها كلها على الرخامه رشيت الاول رشة دقيق وفردتها وابتديت اقطعها بقطعات ممكن تقطعيها بمج ممكن تقطعيها بطبق اي حاجة مدورة يعني وعلى حسب الحجم اللي انت عايزاه نسيبها تاني ترتاح 10 دقائق وتبتدي بقى تسويتها على النار في الطاسة علي البوتجاز.
النار تكون متوسطة مش عالية اوي ومش هادية اوي مع التقليب المستمر عشان ينفخ ويقب معاكي.
وتغطيه اول ما يخرج من الطاسة ولما يبرد ممكن نحطه في أكياس وتدخله الفريزر.
وبألف هنا.
