مطبخ الصوت
1_لو حطيتي كيس فانيليا مفتوح ف باب التلاجه هيخليها ريحتها تحفه اطول وقت وطبعا بعد ما تتغسل
2_كيس الباسكت حطي الكيس الكبير جواه وطبعا يكون نضيف مترميش الزباله ع طول حطيها ف كيس صغير الاول بعد كده يتربط وف الشنطه الكبيره يمنع الريحه و مفيش هاموش ولا ناموس انسي
3_الخشب كلو يتمسح ب مياه وخل وبعد كده فوطه منديه ع حته حمام كريم من بتاع الشعر وامسحي الخشب كله هتلاقيه بقا تحفة
4_حمام الكريم بيعمل عازل للتراب جربي مش هتندمي
5 – حاولي توفري لو اى مبلغ بسيط وشوفى ناقصك ايه ..مثلا تجيبي زهرية ورد صغننه …او باسكت زباله صغير او مفرش فويل للبوتاجاز
كلها والله حاجات بسيطه بس تغيير وخلاص
6-فى مثل بيقول اكنس بيتك ورشه متعرفش مين هيخشوا
فلما حد يدخل عندك كده يلاقي كل حاجه ف مكانها ومنظمه ونضيفه هيتعلموا منك
ويا ستى سيبك من الناس انتي هتبقا نفسيتك احسن صدقيني
7- لو في تشققات فى رجلك مش عيب يختي ده من تعبك ووقفتك
العيب انك تسبيها ب قشفها كده لمؤخذه
8-حطي شويه مسحوق نضيف ع المايه وادعكي وبعد كده حته فازلين اللى فى الكيس ده وحطيهم ف رجلك والبسي شراب ونامي للصبح هتلاقيهااااا فله
9-وبقولك ايه معلقتين زبادي ع معلقه عسل ابيض بقا احلي ماسك للوش علشان يطري
10-لما تيجى ترشى معطر للمنزل ماترشيش فى الهوا لاء كده مش هيثبت ..رشي على الستاير والانتريهات والأقمشة يفضل طول اليوم البيت متعطر وجميل .
