مطبخ الصوت
مقادير كيلو واحد عسل
اعملوها بالطريقه دي هتعجبكم ان شاء الله
المكونات
كيلو واحد عسل
معلقتين كبار دقيق مليانين بشكل هرمي
معلقتين حلبه بودره
كوبايه سمسم وكوبايه سوداني وطبعا السمسم والسوداني حسب الرغبه
نص كوبايه زيت
اول حاجه بعملها في نقطة زيت كده بحمص السوداني بعد طبعا بقشره وبقسمه نصين
وهاتو السوداني من غير ملح
ثاني حاجه بعملها بحط نص كوبايه الزيت في الطاسه او في حله وبحط عليها السمسم ياخد تحميصه وريحته تطلع بنزل عليها معلقتين كبار دقيق وببتدي اقلب لحد ما احس ان الدقيق ابتدى ياخد تحميصه خفيفه كده مع السمسم بعد كده بحط العسل وبحط عليهم الحلبه وببتدي اقلب باستمرار لحد ما يتقل اخر حاجه بحطها هي عصره نص ليمونه ودي اساسيه عشان الحلبه ما تسكرش منك بعد كده وممكن تحطي ربع معلقه من ملح الليمون بختبرها ازاي بحط معلقه صغيرة منها على طبق وبسيبها تبرد تماما وقتها هيبان سمكها المظبوط هي كده كده يا دوب تغلي غلوه وبعصر الليمون وبطفي عليها
