طريقة عمل البسبوسة فى البيت
مطبخ الصوت
إعداد وتقديم// مرفت عبد القادر
المقادير:
3 كوب سميد.
كوب سكر.
كوب سمنة.
كوب ماء.
الشربات:
كوب ونص سكر.
كوب ونص ماء.
نص عصير ليمونة.
فانيليا.
حطيهم على النار يغلوا خمس دقايق واقفلى النار وضيفى الفانيليا .
حطى كوب السكر فى طاسة وسبيه يكرمل انزلى عليه بكوب الميه فى الأول هيجمد قلبى لحد ما السكر يدوب تانى فى الميه حطى السمنة اول ما تسيح اقفلى النار.
فى طبق حطى دقيق السميد ومعلقتين جوز هند اختيارى وقلبى انزلى عليهم بخليط الميه والسكر وقلبى بسيط يدوب تجمعى المكونات ادهنى صينية بالسمنة وصبى الخليط اخبطى الصينية على الرخامة علشان تساوى السطح .
غطى الصينية بكيس وسبيها بقى نص ساعة قبل ما تدخليها الفرن بعد كده دخليها فرن ساخن واول ما الجوانب تتحمر اقفلى الفرن وشغلى الشوايه تاخد لون.
خرجيها من الفرن ضيفى الشربات ساخن وغطيها وسيبها لحد ما تبرد تماما
هتاكلى أحلى بسبوسة طرية ومرملة.
