إعداد وتقديم مرفت عبد القادر
مطبخ الصوت
المقادير :
2 كوب دقيق = 250 جرام
نص كوب سميد =90 جرام
نص كوب سكر بودر ة= 80 جرام
نص كوب جوز هند =40 جرام
نص كوب زبدة او سمنة= 110 جرام
ربع كوب زيت= 45 جرام
2 بيضة
معلقة صغيرة بيكنج بودر
كيس فانيليا .
الطريقة :
هننزل بالزيت والسمنة و السكر و نخلطهم كويس و بعدين نحط عليهم بيضة كاملة و بياض بيضة و الفانليا و نخلطهم كويس جدا.
و بعدين ننزل بالسميد وجوز الهند و البيكنج بودر و آخر حاجة الدقيق هنزل بيه مرة واحدة و هبدا المها و بلاش عجن كتير خالص اهم حاجة عشان متبقاش بسكويت و ناشفة مجرد ما تلم تبقي تمام و هتبقي عجينة طرية و مش بتلزق و بتتشكل بكل سهولة .
و بعدين نجيب صنية ندهنها مسحة خفيفة جدا زيت و نبدأ نشكلها مدورة او الشكل اللي شبه العين المعروفة بيه ده و بعدين نعملها عليها بالشوكه كده خطوط و نكون مسخنين الفرن قبلها ب 5 دقايق كده و ندخلها على درجة حرارة 180 لمدة 8 الى 10 دقايق بالكتير اول لما تاخد لون من تحت اشغل الشواية تاخد لون من فوق و اول لما تطلع انزل عليها بالشربات البارد و اسبها في الشربات اقل حاجة ربع ساعة و بعدين هتاكلو احلي رموش في الدنيا .
مقادير السيرب او الشربات :
2 كوب سكر
2 كوب ماء
عصير ليمونة .
الطريقة : بحط السكر و الميه واول لما يبدأ يغلي اعصر ليمونة و اسيبو دقيقة و اقفل عشان يبقي خفيف و نسيبو يبقي بارد .
وبألف هنا.
