هناء الصغير
روىٰ مطرب المهرجانات عمر كمال، موقفا مؤثرا للمطرب الشعبي الراحل أحمد عامر، مؤكدا أنه رفض تأجيل ذهابه إلى أداء مناسك العمرة لتقديم مشهد في مسلسل «العتاولة».
وكتب عمر كمال عبر حسابه على «فيس بوك»: «من باب اذكروا محاسن موتاكم.. هحكى موقف عن النقى النضيف المحترم أحمد عامر.. رمضان اللى فات مسلسل العتاولة طلبوا أحمد عامر يعمل اغنية داخل المسلسل.. وكانوا طالبينه بالأسم يعنى مش رايح بدال حد أو مزنوقين ف مطرب شعبى فا جابوه لا المشهد كله معمول عشانه».
أضاف: «يوم تصوير المسلسل كان يوم سفره للعمرة.. ورفض المسلسل مع أن ده كانت هتبقى أول فرصة ليه للظهور في التليفزيون للناس كلها وكانت فرصة ظهور كبيرة في مسلسل كبير بيشوفه الوطن العربى كله.. لكن أحمد رفض الفرصة وكان ممكن يأجل العمرة يوم أو يومين».
وتابع: «لكنه قال مش هأجل معادى مع ربنا هو عاوزين يستنو لما أرجع ماشى لكن أنا مش هأجل العمرة… بتاعتى ألف رحمة ونور عليك يا أحمد».
