عادل محمود
فكريني بكل حاجه
حلوه مرت يوم عليا
فكريني بحضن امي
لما بتحس اللي فيا
فكريني بالاماكن
اللي عايشه جوه مني
والقصايد الجميله
اللي دايما بتلازمني
رجعيني طفل تاني
نسي قلبي كل هم
وارسمي جوايه بسمه
واحلمي ويايا حلم
شخبطي بقلمك شويه
واشطبي كل المواجع
حني بكلامك عليا
قولي ان الفرح راجع
طمنيني بكلمه دافيه
نسي قلبي وجع واه
ياللي كلك نيه صافيه
ردي ف عروقي الحياه
واهمسيلي جمب ودني
وانتي حاضناني بهدوء
قولي انك عايشه ليا
خلي قلبي بشوق يدوق
خمر حبك وانتي جمبي.
