مطبخ الصوت
المقادير
– حليب : ثلاث أرباع الكوب
– دقيق : 2 كوب (منخول)
– الزيت : ملعقتان كبيرتان ونصف
– لبن زبادي : ملعقة كبيرة
– معلقة : حليب بودر
– سكر : ملعقة كبيرة
– خميرة : ملعقة صغيره
– بيكنج بودر : ملعقة صغيرة
– ملح : رشّة
الطريقة
فى صنية كبيرة هنضيف السكر والخميرة والحليب نخلطهم مع بعض كويس لحد ما السكر يدوب مع الخميره هنضيف عليهم معلقة دقيق كبيره ونقلبها ونغطى الخليط وندخله فى مكان دافئ ١٠ دقائق.
وفى صنيه تانية هنضيف الدقيق والحليب البودر والبيكنج بودر ورشة الملح ونقلبهم كويس فى بعض ونضيف عليهم لبن الزبادي والزيت ونبدأ ونخلطهم ببعض كويس جداااا بعدين نضيف خليط الخميره ونعجن لمده ٧دقائق تنرك العجين يخمر لمدة ساعه فى مكان دافئ ويكون الفرن شغال على درجة حراره ٢٠٠ بعد ماتخمر العجينه نبدأ فى التشكيل وممكن اى حشوه حلو او حار او تسبيها ساده طعمها يجنن ونرصها فى الطاجين ونغطيها ونتركها تخمر تانى لمدة ٢٠دقيقه ثم ندهن وجهها بالحليب ومعلقه من السكر وندوبهم ثم ندهن الوجه على لخفيف علشان نحافظ على التخمير ونرش سمسم وتخبز فى الفرن لمدة ربع ساعة .
اول ماتخرج نجيب فوطه ونغطيها لمده ٥دقائق وبعدها نقدر نحشيها باى حشوة
