إعداد وتقديم مرفت عبد القادر
مطبخ الصوت
الطريقة:
حلة على النار ننزل بمعلقة كبيرة زبدة او سمنة ولو بلدى يكون احسن.
وبعدين ننزل بكوب شعرية نحمرها بلون ذهبى وخلى بالك قلبي على طول علشان متتحرقش
ننزل عليها ب3 كوب ماء من الحنفية عادى والسكر حسب الرغبة ونغطى ونهدى النار .
تشرب الماء بس ماتنشفش نضيف معلقتين سحلب على 4 كوب حليب ونقلبهم وننزل بيهم على الشعرية ونقلب لحد ما الحليب يغلى ونضيف الفانيليا فى الأخر .
اختيارى لو مش عايزة تضيفى السحلب ممكن تضيفى معلقتين نشا او معلقتين كاسترد او باكو كريم كراميل ونطفى على طول ونقدمها سخنة بتكون سايلة و لذيذة
جدا ولما تبرد بتتماسك وبردو جميلة جدا
بالف صحة وعافية.
