كتبت مرفت عبد القادر
الزيتون هو فاكهة زيتية.. محتواها الدهني عالي.. فيها افضل انواع الزيوت ( احماض دهنية احادية التشبع) المفيده جدا لمرضى القلب والشرايين .
و بتحسن الانسولين وبترفع الحرق وبتحافظ على الوزن وبتقلل الالتهابات في الجسم وفوايد كتير جدا .
(اللي هي فوائد زيت الزيتون)
اغنى الفواكة بفيتامين E المضاد للأكسدة واللي بيحافظ على البشرة وبينضف الكبد
وبيحافظ على خلايا الجسم من التاكسد والتلف.
غني جدا بالنحاس اللي اغلبنا عندنا نقص فيه (واللي للاسف نقصه بيسبب مشاكل القلب ).
فيه Tyrosol مضاده الاورام السرطانية و فيه quercetin بتخفض الضغط المرتفع
و فيه Oleanolic acid بيحافظ على خلايا الكبد وبيمنع تلفها وبتقلل الالتهابات
وبيحمي الناس اللي عندها هشاشه في العظام او بتاخد ادويه بتاثر على كثافتها.
المشكلة ان الزيتون الاسود المخلل ده مليان ماده الاكريلامايد المسرطنة .
والمادة دي بتتكون اثناء عمليه التجهيز والتصنيع ( مع العلم أن فيه انواع كتير قبل التجهيز بتبقي سوداء طبيعي ودي مافيهاش مشكلة).
بمناسبة التصنيع صحيح الزيتون يعتبر من المخللات المتخمر خصوصا لما بيتعمل على وقت طويل لحد ما ينضج عشان كده بيزود البكتيريا النافعه الموجوده في الجهاز الهضمي فعشان كده يعتبر سوبر فود.
