إعداد وتقديم//مرفت عبدالقادر
المكونات :
كيلو واحد عسل .
معلقتين كبار دقيق مليانين بشكل هرمي .
معلقتين حلبة بودرة.
كوبايه سمسم وكوبايه سوداني وطبعا السمسم والسوداني حسب الرغبة.
نص كوبايه زيت .
طريقة عمل الحلبة المعقودة:
اول حاجه بعملها في نقطة زيت بحمص السوداني بقشره وبقسمه نصين.
وهاتو السوداني من غير ملح .
ثاني حاجه بعملها بحط نص كوباية الزيت في الطاسة او في حلة وبحط عليها السمسم ياخد تحميصه وريحته تطلع بنزل عليها معلقتين كبار دقيق وببتدي اقلب لحد ما احس ان الدقيق ابتدى ياخد تحميصه خفيفة كده مع السمسم بعد كده بحط العسل وبحط عليهم الحلبة وببتدي اقلب باستمرار لحد ما يتقل اخر حاجة بحطها هي عصره نص ليمونة ودي اساسية عشان الحلبة ما تسكرش منك بعد كده وممكن تحطي ربع معلقة من ملح الليمون بختبرها ازاي بحط معلقة صغيرة منها على طبق وبسيبها تبرد تماما وقتها هيبان سمكها المظبوط هي كده كده يا دوب تغلي غلوة وبعصر الليمون وبطفي عليها.
