هناء الصغير
-نعومه الكحك أو نشفانه مش من السمنه
يعني مش كل مانكتر السمنه الكحك يبقي ناعم ولا لما نقلل السمنه الكحك يبقي ناشف دي معلومه غلط
-كيلوا الدقيق بياخد من ٥٥٠جرام سمنه لغايت ٦٥٠جرام ده ثابت معاكي
اللي بيتحكم في نعومته السائل
سواء مايه أو لبن.
-اكبر كمية لكيلوا الدقيق كوب واحد فقط من السائل
وأقل كميه نص كوب
*اقل من الكوب هيبقي ناعم
*اكتر من الكوب هيبقي ناشف
بالنسبالي بفضل كوب الا ربع لكل كيلوا بيطلع مظبوط علي الشعره
والافضل العجين بالمايه لو عايزة لبن براحتك.
التشقق
بعمل المقادير مظبوطة وبيطلع مشقق مني ايه السبب؟؟
وهل بالخميره افضل ولا بالبيكينج بودر؟؟
مفيش فرق كبير بين الاتنين
اي ماده رافعه من المادتين ملهاش دعوه بالتشقق ولا الفراغات اللي بتبقي جوا الكحك
سبب التشقق اما ان العجينة محتاجة ماده سائله سواء كانت ماء او لبن
(ده في حاله انك حاطه اقل من كوب)
في نوع دقيق بيحتاج الكوب كامل وفي دقيق بيحتاج أقل من الكوب
او يكون المادة الدهنية قليلة (اقل من ٥٥٠ جرام للكيلو)
اما بقي سبب الفراغات الكتير بيكون سببه ترك العجين مده اطول من اللازم قبل التسويه
((مده التخمير طولت يعني))
اخر ملحوظه العجين ببيكنج بودر بيحتاج يريح أقل حاجه تلت ساعه قبل الخبيز
اما اللي بالخميرة مش اقل من ساعة كاملة
