المحشي ليه شوية تكات مهمة لازم نحفظهم

إعداد وتقديم مرفت عبد القادر 

مطبخ الصوت 

اول حاجة لازم الصلصة تتسبك حلو جدا جدا ميكونش فيها ميه

التسبيكة تكون بزيت مش سمنة خالص لو عايزة سمنة تحطي علي وش الكرنب.

 لكن ورق العنب علي الوش صوص عبارة

عن دبس رمان ولمون وزيت وطماطم بيخليه يلمع اللهم بارك.

سلق الكرنب حطي فالَميه معلقة سكر وشعرة كمون وملح.

متكتريش رز فالصباع عشان ميطلعش من الصباع.

حاجة مهمة بلاش تزنقي الصوابع يعني تريحي بين كل صباع عشان الرز هيزيد لما يستوي.

المحشي بيحب الطماطم والخضرة.

البصلة صفريها فالزيت وضيفي عليه الطماطم.

وبره اضربي فالكبة بصل تاني بالتوابل والملح وقرن فلفل اخضر حار

مش هيديكي حرارة فالمحشي بس بيدي

ريحة رهيبة ده بيتحط بعد ماتجمعي التسبيكة مع الرز والخضرة.

. انا مش بحب التوابل كتير هو ملح وفلفل اسود وكسبرة ناشفة

وكمون متكتروش كمون عشان المحشي ميبقاش مر.

التسوية:

  الشوربة يكون حدقها طالع شوية يطلع المحشي حدقه مظبوط.

بالنسبة للكرنب وورق العنب الشربة تضيفيها عند اخر سطر فقط

ماتغطيش اخر سطر عشان مايطلعش معجن معاكي.

لو هتسويه في الفرن لازم تغطية وبتحطي نص مقدار الشربة اللي انتي متعودة عليه.

 لو عايزة تذودي لمون للعنب حطيه فالشوربة بيدي مذاذة اعلي.

وبألف هنا.