كتبت/ مرفت عبد القادر
هتجيبى 2كيلو من الفلفل الاحمر اى نوع حتى لو فلفل الوان المهم يكون لونه احمر ولو عايزه تبقى حارة اعمليها بالشطة الحمرا الكمية دى مش كتير لانها بتقل بعد ماتحمص .
هنغسله وبعدين ننشفه كويس بمناديل أو فوطة مطبخ نظيفة .
ثم نقطعه نصفين بالطول ولو فيه بذر نشيله ونقطعه لشرائح رفيعه جدا .
ثم نضعه على صنية ونفرده طبقة رقيقة خالص ونضعه فى الشمس طول النهار.
ثم نشغل فرن البوتجاز من تحت بس على اعلى درجة حرارة.
لحد مايسخن كويس ثم نهدئ درجة الحرارة لأقل درجة حرارة موجودة فى الفرن .
ثم نضع الفلفل فى الفرن ونقفل عليه وكل عشر دقائق نفتح عليه نقلبه ثم نفرده مرة اخرى ونقفل الفرن تانى لحد ميحمص وياخد لون غامق شوية هنلاحظ أنه هيفضل طرى بس لما بنسيبه خمس دقائق يبرد بينشف جدا .
ملحوظة:
لازم نحطه فى الشمس الاول متعدوش الخطوة دى لان كده مش هياخد وقت فى الفرن كتير لانه بيبقى فيه نسبة ماء بتخليه ياخد وقت فى الفرن.
لما يبرد تماما نطحنه فى المطحنة أو الكبة بس نزود رشة ملح بسيطة واحنا بنطحنه بتخليه ينعم اكتر وننخله بمصفاة أو منخل سلك لأن بيكون فيه اجزاء متطحنتش كويس عشان يبقى بودر ومفيش فيه اى شوائب.
احفظوه فى برطمان زجاج مغسول ومتعقم وناشف تماما.
