إعداد وتقديم مرفت عبد القادر
مطبخ الصوت
المقادير:
نص كيلو لحمة مفرومة
بصلة مقطعة صغير
فلفل الوان ورومي و حار مقطع قطع صغيرة
حبة طماطم قطع صغيرة
معلقتين بقسماط ناعم
معلقتين زيت
م/فلفل اسود/توم بودرة/بصل بودرة
بابريكا/ملح.
الطريقة:
ننزل بالبقسماط والبصل البودرة والتوم البودرة وملح و فلفل اسود علي اللحمة ونعجنهم مع بعض 5 دقايق و ندخلها التلاجة.
نص ساعة تستريح عشان تبقي سهلة في التشكيل وماتفكش .
نخرجها من التلاجة ونكورها أو نعملها بشكل بيضاوي أو بالشكل اللي تفضلوه .
في طاسة علي النار نضيف زيت ونزل الكفتة وما نقلبهاش غير لما تاخد لون وبعدين نضيف البصل والفلفل الالوان.
وننزل بالتوابل الفلفل الاسود والملح والبابريكا ونزل الطماطم ومعلقة من الصلصة نقلبهم كويس ونضيف نص كوباية ميه مغلية
ونهدي النار لحد ما تستوي.
وبألف هنا.
