إعداد وتقديم مرفت عبد القادر
مطبخ الصوت
المقادير :
ليمون طازج صغير الحجم
1ملعقة كبيرة ملح.
الطريقة :
استخدمى الليمون كامل أو اقطعيه بالنصف إذا كان كبير الحجم .
اغلى ماء فى حلة كبيرة واضيفى الملح لها .
ضيفى الليمون لحلة الماء المغلى بالملح ثم اتركيها لتغلى بشكل لمدة تتراوح من 3 إلي 5 دقائق بحسب الحجم صفى الليمون من الماء جيدا .
التجفيف بالشمس رصى الليمون على رف من السلك واتركيه فى الشمس لمدة أسبوع أو حتى يجف تماما وقلبى الليمون كل يوم لتتأكدى أنه يجف من كل الجهات .
التجفيف فى الفرن شغلى الفرن على أقل درجة ممكنة ضعى اللومى فى درج الفرن أو أقل مكان يتعرض للحرارة داخل الفرن واتركيه لمدة من 3 إلى 4 أيام أو حتى يجف تماما .
احفظى اللومى فى برطمان نظيف ومغطى جيدا يستخدم كامل أو مطحون بالهون.
الليمون المجفف في البيت اللي هو بالبلدي كدا الليمون الناشف او باللهجة الخليجي اللومي..وخصوصا في موسم الليمون.. بالنسبة للومي لو اتجفف بالشمس الطبيعية بيكون لونه زي ما موجود في الصور أما لو اجفف بالفرن هيبقى لونه اسود وده الفرق بين التجفيف الطبيعي والصناعي لليمون…
إستخدمات الليمون الناشف :
الشوربة ولانه فاتح في لونه مش زي اللومي الاسود بيخلي الشوربة اي شوربة فراخ بقى لحمة زي اللبن الحليب.
لونها ابيض وطعمها مفيهوش اي زفارة .
وكمان بحطه في الكبسة وبطحنه مع بهارات الفراخ او بهارات السمك بيديها طعم مميز…
وهنا بيطحن عادي علشان بيكون ناشف جدا.
