إعداد وتقديم/مرفت عبدالقادر
طريقة عمل البشاميل على البارد خفيف على المعدة .
بدون مادة دهنية وبنفس الطعم العادى من غير اى اختلاف .
المقادير :
لتر حليب كامل الدسم (ولو عاوزين الوصفه دايت يكون منزوع او خالى الدسم).
خمس معالق كبيرة دقيق (للدايت دقيق شوفان).
ملح وفلفل او نص مكعب مرق.
يمكن إضافة معلقة صغيرة سمنة او زبدة لتعزيز الطعم.
الطريقة:
هانضيف فى حلة باردة من غير ما نشغل النار الدقيق والملح والفلفل وننزل عليهم بالحليب ونقلبهم كويس جدا لغاية ما يدوبوا سوى ((ممكن نعمل الخطوة دى فى الخلاط بتدينا نتيجة أفضل)) .
بعدين بنشغل النار على درجة حرارة فوق المتوسطة مع التقليب المستمر لغاية ما يبتدى يغلى والقوام يتقل معانا.
لما يوصل للقوام المطلوب بضيف معلقة زبدة او سمنه صغيرة تديلوا طعم وخلاص بطفى عليه وبستخدمه عادى.
طعمه جميل جدا واخف كتير على المعدة وكمان اقتصادى أكتر .
