إعداد وتقديم مرفت عبد القادر
مطبخ الصوت
المقادير :
3 كوب دقيق
1 كوب سمن بقرى 1/2 ملعقة كبيرة ممسوحة ريحة الكحك ملعقة كبيرة بيكنج بودر الجمل ملعقة كبيرة سكر.
ا ملعقة كبيرة خميرة فورية أو قطعة خميرة بحجم عين.
3 ملعقة كبيرة سمسم
رشة ملح
1/4 الى – 1/3 ماء دافئ لإنه بيختلف من نوع دقيق لآخر
الطريقة :
أول حاجة نضع السكر على الخميرة و 1/4 كوب ماء دافئ.
وهنسيبهم لحد ما يعملوا فقاعات عشان نتأكد من سلامةالخميرة.
وبعدين هنضع الدقيق… وهنا مستخدمة دقيق فاخر متعدد
الأغراض… ونضع عليه رشة الملح والبيكنج بودر وريحة
الكحك ونقلبهم… وبعدين نضع السمسم في المنتصف
ونسخن السمن بس ما تغليهوش .
وهنقلب السمن مع باقى المكونات ونستنى لما العجين يبرد شوية يبقى دافئ بسيط عشان ما يموتش الخميرة وبعدين نضيف الخميرة ونعجنها …
لو احتاجت میاه کمان ممکن تضيفى حاجة بسيطة خالص وماتزودیش اوی عشان ما يطلعش ناشف… ما تعجنيهوش كتير…
مجرد ما المكونات هتختلط مع بعض يبقى تمام كدا ……
وبعدين شكليه وهو سخن واستخدمى الحشوة اللى بتحبيها …
نشكله بالمنقاش عشان يمسك فيه السكر اكثر من البصامة …
نستخدم عين جمل للحشو…..
وبعدين هنسيبه يخمر وبعدين ندخله الفرن على درجة حرارة 170 …
ما تلمسيهوش خالص اول ما يطلع من الفرن نستنى لما يبرد تماماً عشان ما يتفتفتش….
وبعدين لما يبرد رشى عليه السكر البودر… وبألف هنا .
