إعداد وتقديم// مرفت عبد القادر
مطبخ الصوت
المقادير والطريقة:
كيلو زبدة
كوب ونص سكر مطحون
أربع بيضات
ستة باكت فانيليا او معلقة لو سائلة
ودقيق بالنظر بالمعيار لما العجينة تبقى
كويسة ف ايدك ياعنى عينك تبقى ميزان
لو هتعمل بالشكولاته اقسمي العجينة نصين
وقبل ما تلميها زودى الكاكاو وياريت يكون
كاكاو اسبانى بيفرق جدا فى اللون والطعم
ولو تعمليها بالمكنة إنما لو هتعملي بالقمع
بيتبقى العجينة لينة شوية بس وشكلى
بقى بالشكل اللى يعجبك ودرجة الحرارة
وسط في الفرن.
طريقة بسكوت الزبدة والبيض:
المقادير والطريقة:
نص كيلو زبدة
نص كيلو سكر مطحون
ست بيضات
كيلو ونص دقيق
ست باكت فانيليا باكت كيك شيف
لو عايزة بالبرتقال هتضيفى كوب عصير
برتقال لو عايزة بالفانليا هتضيفى كوب لبن
حليب وبعدين بتضربى الزبده والبيض
والسكر والفانيليا وبعدين ضيفى باقى
المكونات وفي دقيق بيشرب السوائل ياعنى
ممكن يحتاج اكتر م مج لبن في انتى بيبقى
عينك ميزان بردة.
طريقة بسكويت النشادر من غير بيض:
نص كيلو سمنة
نص كيلو سكر مطحون
أربعة باكت فانيليا نص باكت الكيك شيف
18 جرام نشادر وأكدى على الميزان
كيلو ونص دقيق ولبن للعجن لما العجينة
تبقى تمام.
طريقة عمل الكحك :
لكل كيلو دقيق نص كيلو سمنة
باكت خميرة
سمسم.
الطريقة:
هتضيفى باكت الخميرة على نص مج ماية
دافئة ومعلقة سكر وتغطيتها تتفاعل
هنضيف على الدقيق السمسم ونص السمنة
بارد ونص السمنة الباقى يدوبك يسيح على
النار وهتضفيه على الدقيق وتعجنى كويس
واخر حاجة تضيفى الخميرة اللى اتفاعلت
وتعجنى دقيقة كده لما العجينة تشرب
المية والخميرة هى بتبقى مفرولة كده زى
عجينة البسكوت والبيتفور كده العجينة
مظبوطة هى بتاخد وقت في التشكيلة
وتشكليها بقى وتنقشيها بالمنقاش بتاع
التسوية درجة حرارة متوسطة وتبدأى
تسوية باول صنية بدأتى فيها تشكيل على
طول ومتشلهاش من الصينية اللى لما تبرد خالص.
طريقة الغريبة بالكوب:
كوب سمنة بلدى لو المتاح
كوب سكر مطحون قلبيهم مع بعض
وضيفى دقيق لما تتكور في ايدك وتتسوى
علي نار هادئة ولما تستوى تسبيها تبرد على
الصينية خالص وبعدين شيليها.
