مطبخ الصوت
الغريبة من الحاجات إللي مفهاش إختراعات هي طريقة و احدة و هي طريقة (124) يعني السمنة ضعف السكر و الدقيق ضعف السمنة هحاول أكتب كل التفاصيل عشان لو حد أول مرة يعملها
المكونات:
900جرام دقيق
500 جرام سمنة جاموسي
250جرام سكر بودر
الطريقة:
1/نضرب السمنة و السكر كويس جداً
2/نضيف عليهم الدقيق و نخلطهم
3/نسيبها ترتاح نص ساعة
4/نشكلها و نزينها بمكسرات أو أي حاجة أو من غير تزيين عادي و ندخلها فرن سخن علي درجة حرارة 160 لمدة ربع ساعة تقريباً
-في الجو دا بنستخدم 900 جرام دقيق بس عشان الجو برد في الصيف ممكن نستخدم كيلو
-الغريبة مش بتتنقل من مكانها غير لما تبرد تماماً و ما نلمسهاش و هي سخنة عشان بتبصم
-بنستخدم سمنة جاموسي عشان الغريبة يكون لونها أبيض
-مش بيتحطلها بيض و بالتالي مش بيتحطلها فانيليا
-الغريبة لو فرشت يبقي سمنة زيادة
-لو شققت يبقي دقيق زيادة
-لو نشفت يبقي سكر زيادة
-لو الجو حر و العجينة ساحت ندخلها التلاجة و بعدين نستخدمها
-لو الغريبة حجمها صغير بتاخد حوالي 12 دقيقة في الفرن لو حجمها كبير بتاخد وقت أكتر شوية
-لو العجينة سخنت منك و انتي بتشكليها دخليها التلاجة كام دقيقة قبل ما تدخليها الفرن
-طبعاً مش محتاجة أقول إن كل نوع دقيق بيختلف عن التاني
