إعداد وتقديم مرفت عبد القادر
مطبخ الصوت
المكونات:
كيلو جبنه قريش
لتر لبن
كوب شطة
2 معلقة كبيرة ملح
مورتة المش
معلقة كبيرة ترمس بلدى
معلقة كبيرة حلبة حصى
فلفل حار احمر
معلقة كبيرة بابريكا
نص كوباية عسل اسود
الدنكار.
الطريقة:
غطي الجبنة القريش بالملح وحطيها في مصفاه تنزل الشرش بتاعها وتنشف كويس اوي في التلاجة لتاني يوم .
هاتي شرش الجبنة اللي نزل منها وافرمي الفلفل وحطي عليه.
وانزلي بيهم علي المورتة اللي بتسخنيها علي النار مع قرون الفلفل الحامي السوادني الناشف و المطحون واللبن والبابريكا و بعدين العسل الاسود .
قلبيهم كلهم سوا و لما تهدي شوية حطي بقى الترمس والحلبة عشان متعملش طبقة عفن او يجيب اي دوود .
حطي قطع الجبن عليها و بعدين هاتي البرطمان وانزلي فيه بقطع الجبنة وعليها الخليط اللي عملناه ويلف الدنكار بقطعة شاش ويضاف لخليط المش. وسبيه بقى يتعتق براحته .
ملاحظة:
الدنكار · هو عبارة عن مادة حافظة تأتي في شكل مسحوق أبيض اللون موجود عند أي عطار؛ ودور هذه المادة هو منع ظهور الدود في المش.
خلطة المش:
مش – طحينة – زبادي – طماطم – زيت
خففي المش بالطحينة والزبادي وانزلي عليه بالطماطم والزيت .
وبألف هنا.
