إعداد وتقديم مرفت عبد القادر
مطبخ الصوت
المقادير:
كوب ونص دقيق
4 بيضات
كوب الاربع لبن
نص كوب زيت
كوب الاربع سكر
1م ك خل ابيض
2 م ك كريم شانتيه
2 م ك لبن بودر
فانيليا ورشه ملح
كيس بيكنج بودر
مقاس الصينيه 30 في 40.
الطريقة :
في الخلاط نضرب البيض والفانيليا واللبن والزيت والكريم شانتيه والخل واللبن البودر والسكر .
وننزل بالخليط ده على الدقيق المنخول بالبيكنج بودر ورشة الملح ونخلطهم في اتجاه واحد بمضرب السلك.
صينية وعليها ورقة زبدة مدهونة زيت وننزل بالخليط ف الصينية.
ويدخل فرن سخن على درجه حراره 180 هياخد 15 دقيقة.
خلة في النص لو طلعت نضيفة يبقي كده استوي .
ورقة زبدة ونحطها على وش الكيك ونقلبه على الرخامة هنشيل الورقه اللي من تحت وبعدين هنقسم الكيك لنصين متساويين وهنحط كريم شانتيه في نص ونقفل عليه بالنص التاني.
وعلى الوش باقي كريم شانتيه وهتساويه بسكينة براحة عشان يبقي حلو واي زيادات تطلع في السكينة بنمسحها بمنديل ونفضل نعمل كده لحد مالسطح يتساوي وبعدين هنجيب شوكة ونعمل خطوط عليه عشان يديكي شكل حلو من الوش.
وبعدين تقطعيه قطع متساوية يعني كل قطعه 4 سم هيطلعو 6 فطع جاتو.
وبعدين تزينيه بقا بالشكل اللي تحبيه اي فاكهة تحبيها او
شوكولاتة مبشورة ونقدم.
طريقة عمل الكريم شانتيه:
كوب كريم شانتيه خام
كوب ماء متلج
2 م ك سكر بودر
ونضربهم بمضرب الكهربا لحد مايدينا قوام متماسك.
وبألف هنا.
