إعداد وتقديم مرفت عبد القادر
مطبخ الصوت
المقادير :
نص كيلو سميد بسبوسة
كوب سكر أبيض
كوب لبن
كوب إلا ربع سمنة
٢ معلقة كبيرة جوز هند
٢ معلقة كبيرة عسل أبيض
نص معلقة صغيرة بيكنج بودر.
السيرب أو الشربات :
٢ كوب سكر
٢ كوب ميه
عصرة ليمون
معلقتين جلوكوز ( اختياري ).
الطريقة :
هنقلب المكونات الجافة السميد و السكر و جوز الهند و البيكنج بودر في بولة و بعدين ندفي السمنة مع العسل و ننزل بيهم على الخليط الجاف و نقلب كويس أوي لحد ما نتأكد ان كل السميد اتغلف بالسمنه و بعدين ندفي اللبن و نضيفه و نقلب من غير عجن كتير .
هنجيب صنية مدهونة سمنة و ننزل فيها الخليط و نساويها بإيدنا او بسباتيولا و نوزع مكسرات حسب الرغبة .
التسوية :
هندخلها فرن سخن على درجة حرارة ٢٠٠ من ١٥ ل ٢٠ دقيقه لحد ما الأطراف تتحمر و بعدين نولع الشواية مع المتابعة لحد ما تاخد لون حلو و نطلعها نسقيها سيرب سخن نكون مقلبين معاه معلقة كبيرة سمنة و بألف هنا.
ملحوظة :
لو عايزين نقلب البسبوسة من الصنية بسهولة ممكن نفرش الصنية بكيس حراري و ندهنها سمنة.
وألف هنا.
