إعداد وتقديم مرفت عبد القادر
مطبخ الصوت
المقادير:
نص كيلو سميد بسبوسة
كوب سكر أبيض
كوب لبن
كوب إلا ربع سمنة
2 معلقة كبيرة جوز هند
2 معلقه قطر(شربات )
نص معلقه صغيرة بيكنج بودر.
القطر او الشربات :
2 كوب سكر
2 كوب ميه
عصرة ليمون.
الطريقة:
هنقلب المكونات الجافة السميد و السكر و جوز الهند و البيكنج بودر في بولة .
و بعدين ندفي السمنة مع القطر و نضيفهم على الخليط الجاف .
و نقلب كويس نتأكد ان كل السميد اتغلف بالسمنة و بعدين اللبن نضيفه و نقلب من غير عجن كتير .
هنجيب صنية مدهونة سمنة و الطحينة اختياري و ننزل الخليط و نساويها و نوزع مكسرات حسب الرغبة .
التسوية :
هندخلها فرن سخن على درجة حرارة 200 من 15 ل 20 دقيقة لحد ما الأطراف تتحمر و بعدين نولع الشواية مع المتابعة لحد ما تاخد لون حلو و نطلعها نسقيها قطر سخن نكون مقلبين معلقة كبيرة سمنة .
و بألف هنا.
