إعداد وتقديم مرفت عبد القادر
مطبخ الصوت
المقادير:
ربع كيلو لحمة مفرومة
تفل بصلاية كبيرة معصورة كويس جدا
بطاطساية مبشورة ومتصفية كويس جدا
فلفل اخضر او الوان المتاح
معلقه صغيرة بيكنج بودر
ملح وفلفل
بهارات لحمة
مرقة دجاج فورية .
ربع كوب بقسماط مخلوط بربع كوب ميه او نص رغيف عيش منقوع فى ميه ومتصفي تماما
نص حزمه بقدونس.
للتلميع :
مية البصلة اللي عصرناها في الاول
ملح وفلفل
معلقة صغيرة صلصة طماطم
معلقة كبيرة زيت.
الطريقة:
نفرم اللحمة مع البطاطس والتوابل وتفل البصلاية والماجي والبيكنج والبقسماط ال اتنقع في الميه وكله يتفرم سوا .
بعد كده دخلي الكفتة نص ساعة الثلاجة وفى الوقت ده جهزي خليط التلميع بخلط كل مكوناته .
وبعدين شكلي الكفتة على سيخ الشوي او مدورة وبلي ايدك بخليط التلميع .
ودخليها فرن سخن على 180 ل 200 لمدة 20 دقيقة واول ماتخرج اديها فحماية وغطيها خمس دقايق.
او ممكن تكوريها وتبططيها وعلى طاسة وشوحيها وبعد ما تطلع ولعى فحماية علشان تاخد ريحة الفحم وتقدم مع ارز او عيش والطحينة .
وبالف هنا .
