إعداد وتقديم مرفت عبد القادر
مطبخ الصوت
المقادير :
كيلو دقيق
ورشة ملح
معلقة كبيرة ونص خميرة فورية
كوب الاربع سكر
معلقتين كبار لبن بودرة اختياري لو في لبن يبقي خلاص.
ممكن 2بيض أو تلاتة
فانيليا ومعلقة خل كبيرة
ربع كوب زيت
و3 معالق زبدة بدرجة حرارة الغرفة وممكن تزودي لحد كوب
مايه دافئة أو لبن للعجن.
الطريقة :
بتنزلي كل المكونات الجافة علي بعض والخميرة بختبرها الاول مع لبن دافئ وسكر أو مايه دافئة وسكر .
واول ماتعلي بحطها علي المواد الجافة وبضيف الزيت والبيض وبزود المايه أو اللبن حبة حبة لحد ماتلم العجينة واخر حاجة بضيفها الزبدة وبعجن تانيي لحد ماتبقي عجينة لينة وناعمة .
وبسيبها تخمر لمدة نص ساعة وبعدها بشكل وبسيبها تخمر تاني وبلمع الوش بصفار بيضة ومعلقة خل وفانيليا.
وبرش علي الوش سكر وبدخلها الفرن في الرف الأوسط لحد ماتاخد اللون الذهبي من تحت بفتح عليها الشواية .
وبألف هنا.
