طريقة عمل مكرونة بالبشاميل

إعداد وتقديم مرفت عبد القادر 

مطبخ الصوت 

المقادير:

نص كيلو لحمة مفرومة

نص كيلو مكرونة قلم

6 معالق دقيق

3 معالق سمنة

3 معالق زيت

2 بصلة كبيرة

لتر حليب

فلفل اسود

مكعب مرقة

ملح

معلقتين صلصة

1حبة طماطم.

الطريقة:

نسلق المكرونة في ميه ومعلقة ملح تلت تربع سوا ونصفيها من غير ما نشطفها بالميه.

لتعصيج اللحمة:

نبشر البصل وننزل بي في طاسة علي النار فيها معلقتين زيت ونقلب لحد ما يدبل وياخد لون ننزل عليه باللحمة ونقلب لحد ماتستوي وبعدين ننزل بالصلصة وحباية الطماطم مقطعة صغير ونقلب دقيقة ونضيف ملح وفلفل اسود ونطفي.

للبشاميل:

في حلة على النار ننزل بالزيت والسمنة وعليهم الدقيق مع التقليب المستمر لحد ما ياخد لون ذهبي .

ننزل عليه بالحليب مع التقليب المستمر ونحط مكعب مرقة وفلفل اسود ورشة ملح ونقلب لحد ما يبدء يغلي نطفي.

ننزل بجزء من البشاميل علي المكرونة ونقلبهم كويس.

في صينية ننزل بشوية بشاميل ونوزعهم فيها ونضيف عليهم نص كمية المكرونة ونفردها في الصينية.

 ونضيف اللحمة ونفردها وننزل بباقي كمية المكرونة ونساوي وش الصينية كويس.

 وننزل عليها بباقي البشاميل ونضيف علي الوش جبنة موتزريلا وندخلها الفرن واول ماتأخد لون نخرجها .

وبالف هنا.