طريقة عمل بسكويت العيد 

إعداد وتقديم مرفت عبد القادر 

مطبخ الصوت 

المقادير :

دى مقادير اتنين كيلو ونص دقيق متعدد الاستخدامات :

كيلو سكر بودرة

كيلو سمنة .

15بيضة لو بلدى لو بيض مزارع ابيض او احمر كبير هيبقوا 13بيضة .

2كيس ونص بيكنج بودر .

13كيس فانليا .

تمن كيلو جوز هند .

3ازايز ريحة جوز الهند.

ودى مقادير كيلو:

كيلو دقيق.

400جرام سمنة .

400جرام سكر بودرة.

5بيضات وفانليا .

باكو بيكنج بودر .

3 معالق كبار جوز هند .

ريحة جوز الهند ازازة.

الطريقة:

هنضرب السمنة مع السكر البودرة لحد ماتهيش هننزل بالبيض والفانليا واحدة واحدة لحد ما الخليط يندمج كله مع بعضه

وبعدين ننزل بالدقيق والبيكنج بودر وجوز الهند .

هتكون معانا عجينة متماسكة هنغطي عليها ربع ساعة ونشتغلها بالمكنة ونرص في صيجان مدهونة زيت وندخلها الفرن على نار وسط من فوق وتحت.

يخرج يبرد خالص فى الصاج ونرصه فى علب ونرص في ارضيتها اكياس بلاستيك ودة مهم جدا عشان ميطراش .

أو تحطي مباشرة فى اكياس بلاستيك وتربطيها كويس وتحطيها جوه علبه عشان ميتكسرش.

والف هنا .