إعداد وتقديم مرفت عبد القادر
مطبخ الصوت
الاسترابس :
شرائح فلية مقطعة اصابع
كوب لبن رائب او بديل ليه حليب + معلقة كبيرة خل او ليمون
معلقة صغيرة هوت صوص
بيضة اختيارى
ملح ، فلفل
توم بودر
بصل بودر
ببريكا .
للتغطية دقيق مخلوط مع نفس البهارات واختياري نزود معاه بودرة مرقة.
الارز :
2 كوب رز مصرى او بسمتى حسب رغبتكم
بصلة صغيرة
2 فص توم مفروم
مكعب مرقة او معلقة صغيرة مرقة فورية
ربع معلقة صغيرة من كل من
فلفل اسود ، كركم
بصل بودر ، توم بودر
بابريكا مدخنة او عادية
كارى
زعتر اختياري
معلقة كبيرة كاتشاب
معلقة كبيرة باربكيو صوص
معلقة كبيرة صويا صوص
معلقة كبيرة صويا حلوه او بديل ليها عسل اسود ولو مش متاح عسل ابيض .
معلقة كبيرة هوت صوص لو حابين حار .
صوص الريزو :
نص كوب كاتشاب
نص كوب باربيكيو صوص
2 معلقة كبيرة هوت صوص لو حابين حار
معلقة كبيرة عسل اسود او ابيض
معلقه كبيره صويا صوص
توم بودر.
– نتبل الاستربس فى الرائب مع البهارات لساعتين بحب اتبلهم في كيس بيبقي أسرع .
نبدا نعمل الرز نشوح البصل والتوم وننزل عليهم بالبهارات ثم الصوصات ونقلب كله مع بعض ونضيف الرز يتقلب معاهم ونضيف الماء الساخن ونتركه يتشرب الماء ونهدى النار ونتركه يستوى .
– بنخلط مكونات الصوص ونظبط الطعم ونضعه فى التلاجة لحين الاستخدام .
– نحمر الاستربس بنطلعه من التتبيلة على الدقيق المخلوط بالبهارات ونحركه فيه اكتر من مرة عشان ياخد شكل الاستربس المقرمش ونقليه فى زيت غزير ساخن .
– نغرف الرز ونقطع عليه قطع الاستربس ونضيف عليهم الصوص .
والف هنا.
