عادل محمود
الدنيا خلاص بتلم ف دفاترها
بتغربل كل تراب الأرض
بتبان علامات وأيات
ربنا وحده ساترها
ضيعنا سنين عمرنا
ونسينا الصلاه والفرض
بنشوف صراعات وأطفال بتموت
وشاشات مشبوهه تهد بيوت
وسكالى بتبكي بعلو الصوت
وكمان فيه ناس بتبيع في العرض
الإبن بيأسى ويكره أبوه
وأوامر زوجته قانون مشبوه
علشان ترضيه وتحن عليه
نسته إخواته وأمه وأبوه
بنشوف أرحام كده مقطوعه
وقلوب بسوادها مطبوعه
بيبانو بنيه سلميه وخير
حقيقتهم فعلا مصنوعه
وهناك تدمير وخراب وسكوت
طيران يعدي يهد بيوت
وأشلاء وضحايا وناس بتموت
ولا عاد في الدنيا حقيقي أمان
دنا مهما أقول وأعيد وأزيد
تغيرنا حقيقي في حل وحيد
نرجع ونتوب والحب يزيد
هتلاقي الراحه في كل مكان
