إعداد وتقديم مرفت عبد القادر
مطبخ الصوت
المقادير :
نص كيلو لحمة مفرومة
٢ بصلة مبشورة
(البصلة بعد ما تتبشر نرش عليها رشة ملح ونستناها تنزل مايتها و ناخذ بس تفل البصل )
ملح – فلفل اسود – بهارات كفتة
ملعقة صغيرة بيكنج باودر
زيت
ليه ضاني
بصل مقطع جوليان
فلفل حامي و رومي مقطع شرائح
طماطم شرائح
ملعقتين صلصة.
الخلطة:
٤ فلفل رومي علي حامي
٤ فص ثوم
نص حزمة بقدونس
نص بصلة
ملعقة كبيرة خل
ملح -كمون- كزبرة ناشفة.
الطريقة:
هنعجن اللحمة المفرومة بالبصل المبشور والتوابل والبيكنج بودر ونصبعها او نعملها كور ونسيبها ترتاح شوية.
هنسخن طاسة كبيرة علي النار وننزل بالزيت واللية وعليهم صوابع الكفتة تتشوح شوية ونشيلها علي جنب وننزل في نفس الطاسة بالخضار الجوليان كله يتشوح كويس ونرجع الكفتة تاني عليه و معلقة الصلصة ونسيبها يغلو.
هنروح بقي للخلطة السحرية هنضرب المكونات كلها في الكبة وننزل بيها علي الكفتة والخضار وكله ياخد غلوة مع بعضه ونطفي النار .
وبألف هنا.
