طريقة عمل الفطير المشلتت بدون عجن ولا فرد

إعداد وتقديم//مرفت عبد القادر

مطبخ الصوت

المقادير والطريقة:

3 علب زبادى بلدى وحطى عليهم 3 معالق سمنة كبار و4 معالق سكر كبار وربع معلقة ملح وكيس بيكنج بودر وقلبيهم كويس جدا.

هاتى كيلو جلاش وادهنى صينية بالسمنة وافردى فيها ورقة جلاش تكون نص الورقة فى الصينية والنص التانى برة وبالفرشاة

ادهنى من خليط الزبادى وكل ما تحطى ورقة ادهنى من خليط الزبادى بعد كده قفلى ورق الجلاش وادهنى الوش بخليط الزبادى.

كيلو الجلاش هيعمل 3 فطاير بالحجم اللى فى الصورة دخلى الصوانى على فرن ساخن لحد ما يستوى وياخد لون خرجيه ورشيه بشوية ميه وغطيه علشان يبقى طرى

هتعملى أحلى فطير مشلتت طرى ومورق .